Pant Nagar leh Nainital Trip

A hmasa berin Saptawng (English)  a ziah ai chuan Keima tawng ngei (Mizo tawng) in kan ziak a  nge, a fiah zawk ka ring

March 21 zana kan rel dan chuan, March 22 zing dar 6 vel a chhuah kan tumin kan beisei, mahse rokhawlhna avangin dar 7 vel ah Delhi atangin Pant Nagar panin kan chhuak ta a. Zing lam ani bawk khua alum em em lova, boruak athiang nuam khawp mai. UP vel kan han tlan zar zar a, Gaziabad kan tlan pelh vel deuh awrh chauh na in, kei lah pek hi zun in sum har ka ti em em mai, “Sir, ka zun chhuak, ka zung thei ngem? tiin zun kan rawt hmasa ber a (Office trip a kal kan nia, SIR in min hruai), Gas station 1 ah zun kan dil a. Kan zun zawh chuan kan tla ta vang vang a,  Jalandhar kan thleng phei a, kan motor ke chhiat vang ni pah bawkin SKYLARK HOTEL & RESTAURANT ah zing chaw kan han ei ta a.

Darkar 1 dawn chaw ei a kan chawlhhnu chuan kan tum ram pan chuan kan tlan leh ta vang vang a. Khua alum tanin mutchhuak ta chuai chuai mai, mut kan tum ngial ka ram hmuh ngai loh anih vangin ka muhil phal ta lova.  Ka thawhpui te chu an mu nasa khawp mai ..

Keipawh Motor ka rui a, ka mood uih ve khawp mai le

Tichuan ning deuh chuan ka chuang ve ta run mai, Ganga lui kan han kan dawn a … Peih leh peih lovin ka dak chhuak ve a .. ka rin aiin tui a tam em em lo khawp mai, mahse a lui kuang chu lian tha hem hem tak ani.

Chuan Ganga lui kan han kan fel a.. kan tlan leh char char ta a. Thil 1 an khawhming hi Hindi a an ziah tlangpui avangin khua kan tlan pelh ho hming ka hre mang lo, Hindi ka chhiar thiam miau si lova ale!!!

Ganga lui atanga a dar 2 vel ah ni in ka hre ta. Rel in kawng a cross dan avangin, ram ro tawk ah dar chanve dawn kan han ding leh te te a, zun ram te thiar turin kan chhuak sang sanga, zung tura ka va kalna ah chuan rul ka va hmu ka van tlan chhe rang em, ka something pawh ka thun tha hman lo trep ani. Mahse rul ka hmuh thu chu ka thiante ka hrilh lem hlei lova. Chu kan din na ah chuan khualzin phur motor mak tak tak,  athen chu buhher khawl hmang te ania a then chu tui pump khawl hmang te an ni.

Tichuan darkar chanve vel kan zawh hnu chuan kan tlan leh vang vang a. Patn Nagar hi Rampur( U.P) atangin pe a ngai a, tichuan darkar 2-3 vel kan tlan hnu chuan Industrial Area (Uttaranchal) kan han tlan par par a, thil 1 ka rilru a lo lang chu, hetiang ang hian industrial area hi Mizoram ah han awm ve mai se tih mawlh hi, A lianin a pui thei ham ham khawp mai … TATA ho phei chu Mizoram khaw tam tam aiin a lian fe zawk, Ratan Tata hi a lo van hausa awm em em tih ringot ka rilru ah lang nghal.  Tata ho hmun atang chuan darkar chanve vel kan tlan hnu ah ka tumram Pant Nagar chu kan han thleng ta a.  Thil pakhat ka sawi theingnilh, helai hmun  Govind Ballabh Pant University Of Agriculture and Technology kan han kal chhan chu, kan thawhna ka pu ber Zirna hlui anih avangin,  helai hmun a Technolgy Branch chuan guest lecturer tura an sawm vang ani a, keini ho chuan kan pu hi kan tawiawm ve chauh ani.  Helai hmun hi anuam in a zau miap miap khawp mai.

To be continued on part 2 . (Part to chu Mizoram lam nen ka rawn compare ang)

~ by mentaladvisory on March 24, 2009.